'Ruaridh’s rasper' is penned to mark another remarkable season for Kingussie
Register for free to read more of the latest local news. It's easy and will only take a moment.
A poetic shinty fan has mark another great season for his team Kingussie in prose.
Keith-based Charlie Simpson has penned 'Ruaridh’s rasper' celebrating the Red and Blue's defence of the Tulloch Homes Camanachd Cup and another winning season on the pitch.
Charlie also celebrated Kingussie's historic record-breaking seventh grand slam achievement last season with his Doric poem 'The Kings of Badenoch and Beyond!’
He is an avid fan too of Keith FC where he is vice-president, treasurer and club historian and has been heavily involved with The Maroons for more than 40 years.
Related article:
Tribute to the sharp-shooters of the Dell
Charlie told the Strathy: "I felt obliged after Kingussie's epic Camanachd Cup victory over Oban to put pen to paper and try to capture the victory."
Ruaridh’s rasper
The Reid an’ Blue scarves were wavin’
At the Bught in Inverness
Fin Ruaridh Anderson let fussle
In the verra last meenit – nae less!
The ba’ fair flew intae the net
Beatin’ the Oban goalie a’ eynds up
An’ fin Des McNulty blew time up on his peeper
Kings hid won the Camanachd Cup
It wizna’ a runaway win
A’ Kings fans wid surely agree
For Oban Camanachd gave their a’
‘Twas there for abiddy tae see
It wiz Scottish Cup win Twinty Five
For the Michty Men fae the Dell
Stretchin’ back tae Aichteen Ninety Six
Fit a marvellous tale tae tell
It took fower hard games tae win the Cup
Startit’ wi’ fower tae one against Newtonmore
Sine, the journey tae play Cabers
Eynded in a three tae one score
A last fower place wiz in the bag
Corky’s men lined up against ‘Shiel
Goals fae James an’ Ruaridh – 2-1
Proved the boys cwid be the real deal
So – tae the Hunner an’ Twinty Sivinth Final
A sunny Bught Park set the scene
Baith teams lookit fit an’ smairt
It is the showpiece Final fin a’ said an’ deen
Play raged fae eynd tae eynd
In front o’ a bumper crowd
Fans on baith sides were cheerin’
Makkin’ the atmosphere fine an’ loud
Nae quarter wiz geen or askit
Tho’ naebiddy cwid find the net
The eggtimer wiz rinnin’ oot
Extra Time? - We lookit a’ set
Then Ruaridh took a han’
Wrote his name intae ‘Gussie folklore
A goal fit tae win ony Cup
Leavin’ Oban feel o’ sae sore
Captain James Falconer wiz ecstatic
As he raised the Cup abeen his heid
Kings diehards were delirious
Jings, a marvellous spectacle indeed
Kingussie’s shinty tradition is great
Indeed, some fowk wid say the best
Abiddy’s oot tae beat them
But – they stood up tae the Cup Final test
Noo, the Cup is bein’ retired
A Replica’s tae tak’ it’s place
They’re feart it gets a bash
Richtly, pit intil a Showcase
If the famous aul’ Trophy cwid speak
I’m sure it’s bound tae say
“I’m richt gled it wiz Kingussie
That won me on that MEMORABLE FINAL DAY!”
